Íslenska karlalandsliðið í fótbolta fer upp um eitt sæti á styrkleikalista FIFA frá því á síðasta lista, en nýr listi var kynntur í dag.
Ísland er nú í 70. sæti, einu sæti ofar en Norður-Írland og sæti neðar en Norður-Makedónía.
Íslenska liðið gerði jafntefli, 2:2, gegn Wales og tapaði fyrir Tyrklandi, 4:2, í síðasta landsliðsglugga. Fóru báðir leikir fram á Laugardalsvelli.
Sex efstu sætin eru óbreytt. Heimsmeistarar Argentínu eru enn efstir og þar á eftir koma Frakkar og Spánverjar.
Tíu efstu
1 Argentína
2 Frakkland
3 Spánn
4 England
5 Brasilía
6 Belgía
7 Portúgal
8 Holland
9 Ítalía
10 Kólumbía