Fékk loks medalíuna og nýjan samning í leiðinni

Knattspyrnumaðurinn Kristinn Jónsson skrifaði í dag undir nýjan eins árs samning við Breiðablik.

Kristinn sneri aftur til Breiðabliks fyrir tímabilið frá KR og fagnaði Íslandsmeistaratitlinum með liðinu á sunnudag, eftir sigur á Víkingi úr Reykjavík í hreinum úrslitaleik.  

Bakvörðurinn fékk þungt höfuðhögg í fyrri hálfleik og varð að fara af velli og á spítala. Hann fékk loksins sigurmedalíuna á Kópavogsvelli í dag og nýjan samning í leiðinni.

Hann lék 23 leiki með Breiðabliki í deildinni á leiktíðinni og skoraði í þeim tvö mörk.

• Blogga um frétt