„Okkur hefði verið fleygt út úr keppninni“
Setja bókamerki
„Þetta voru mjög skrítnar aðstæður en heilt yfir fannst mér þessi krafa, sem einhverjir í samfélaginu settu á félagið, ekki alveg á rökum reist,“ sagði Íslandsmeistarinn og knattspyrnumaðurinn Höskuldur Gunnlaugsson í Dagmálum.
Höskuldur varð Íslandsmeistari í annað sinn á dögunum með uppeldisfélagi sínu Breiðabliki eftir sigur gegn Víkingi úr Reykjavík í Fossvoginum en Höskuldur hefur verið fyrirliði Breiðabliks frá árinu 2020.
Hefðu fengið langt bann
Breiðablik mætti Maccabi Tel Aviv frá Ísrael í riðlakeppni Sambandsdeildarinnar í fyrra en einhverjir kölluðu eftir því að Blikar myndi neita að spila leikinn vegna stríðsins á Gasa.
„Afleiðing af því hefði þýtt að þetta lið hefði til dæmis fengið 70 milljónir í sinn vasa,“ sagði Höskuldur.
„Það hefðu verið alvöru viðurlög við þessu og okkur hefði verið fleygt út úr keppninni. Við hefðum fengið langt bann í Evrópukeppnum og íslensk lið líka.
Ég skil hvaðan þetta var að koma en mér fannst þessar raddir ekki hugsa dæmið í gegn,“ sagði Höskuldur meðal annars.
Viðtalið við Höskuld í heild sinni má nálgast með því að smella hér eða á hlekkinn hér fyrir ofan.
Án fordæma á lýðveldistímanum
Samningafundur eftir 17 daga hlé
Hefur numið staðar í fylgd danskra herskipa
Kosningaspá: Þrír flokkar skilja sig frá
Segir 2025 skera úr um hver vinnur stríðið
65 fyrirtæki með 11,1 milljarð í skattafrádrátt
„Gríðarlega jákvæðar fréttir“
Skrítið að enn er bara eitt úrræði í boði
