Ísland mætir Kósovó í umspilinu
Setja bókamerki
Íslenska karlalandsliðið í fótbolta mætir Kósovó í umspili um sæti í B-deild Þjóðadeildarinnar. Ísland freistar þess að halda sæti sínu í deildinni og forðast fall niður í C-deild á meðan Kósovó getur komist upp úr C-deild og í B-deildina.
Ísland hefur tvisvar mætt Kósovó en þjóðirnar voru saman í riðli í undankeppni HM 2018. Ísland vann 2:1-útisigur í mars 2017 og svo 2:0-heimasigur í október sama ár, sem tryggði sætið á lokamóti HM í Rússlandi.
Heimir Hallgrímsson og írska landsliðið freista þess einnig að halda sæti sínu í B-deildinni. Írland dróst á móti Búlgaríu.
Leiknir verða tveir leikir og fara þeir fram 20. og 23. mars. Ekki er víst hvar heimaleikur Íslands verður spilaður en Laugardalsvöllur verður ekki tilbúinn, þar sem endurbætur á honum standa yfir.
Drátturinn í heild sinni:
Kósovó – Ísland
Búlgaría – Írland
Armenía – Georgía
Slóvakía – Slóvenía
Drónamyndskeið frá hápunkti gossins í nótt
Yfir 300 stæði fóru undir hraun
„Höfum sloppið bærilega með skaða af þessu gosi“
Líklega komin á seinni hluta hrinunnar í Svartsengi
Rússar sagðir útvega N-Kóreu milljón olíutunnur
Viðræður ekkert þokast frá því á þriðjudag
Hópur fólks reyndi að komast að eldgosinu