Arnór féll á þriggja daga læknisskoðun
Setja bókamerki
„Ég tók reyndar ákvörðun um að fara í annað lið á þessum tíma,“ sagði Skagamaðurinn og knattspyrnumaðurinn fyrrverandi Arnór Smárason í Dagmálum.
Arnór, sem er 36 ára gamall, lagði skóna á hilluna á dögunum en hann á að baki farsælan atvinnumannaferil í Hollandi, Danmörku, Svíþjóð, Rússlandi og Noregi.
Endaði í Svíþjóð
Arnór yfirgaf Esbjerg í Danmörku árið 2013 og gekk að endingu til Helsingborgar í Svíþjóð.
„Ég ætlaði að fara til Norsjælland og Kasper Hjulmand var að þjálfa þá á þessum tíma,“ sagði Arnór.
„Þeir voru ríkjandi Danmerkurmeistarar á þessum tíma og mér fannst mjög spennandi að vinna undir honum. Ég fór í þriggja daga læknisskoðun hjá þeim og það segir sig hálfpartinn sjálft að ef þú ferð í þriggja daga læknisskoðun þá munu þeir finna eitthvað á endanum.
Ég féll á læknisskoðuninni og endaði hjá Helsingborg sem var á toppnum í sænsku úrvalsdeildinni en ég skil ekki þessa læknisskoðun því ég missti varla af leik næstu fimm til sex árin,“ sagði Arnór meðal annars.
Viðtalið við Arnór í heild sinni má nálgast með því að smella hér eða á hlekkinn hér fyrir ofan.
Telur ekki best að mannkynið deyi út
Einkafyrirtæki muni ekki ná að framleiða kennara
Engin umræða um verðhækkanir erlendis
Unglingaskólinn var samþykktur
„Um er að ræða svik og pretti“
Strandarkirkja fékk óvæntan arf
Talið að fólk sé inni í húsum sem hrundu