Fjögur félög í úrslitaleikjum Reykjavíkurmótsins
Setja bókamerki
Valur mætir KR í úrslitaleiknum á Reykjavíkurmóti karla í knattspyrnu og Víkingur mætir liði Stjörnunnar/Álftaness í úrslitaleiknum í Reykjavíkurmóti kvenna.
Riðlakeppni mótsins lauk um helgina og í meistaraflokki karla unnu KR og Valur sinn hvorn riðilinn.
KR tapaði reyndar 5:0 fyrir ÍR á laugardaginn en hafði þegar tryggt sér efsta sætið í A-riðli karla. KR fékk 9 stig, ÍR 7, Leiknir R. 7, Fjölnir 5 og Víkingur ekkert. Víkingar tefldu fram ólöglegum leikmanni, Stíg Diljan Þórðarsyni, í þremur síðustu leikjunum, þar sem þeir hefðu annars fengið fjögur stig.
Valur vann Fylki 3:1 og fékk þar með 9 stig í B-riðlinum en Þróttur R. var með 4 stig, Fylkir 3 og Fram eitt stig.
Úrslitaleikur Vals og KR fer fram í Egilshöllinni á fimmtudagskvöldið kemur, 30. janúar, klukkan 20.
Stjarnan/Álftanes lék sem gestur í Reykjavíkurmóti kvenna og vann þar sinn riðil eftir sigur á Val í hreinum úrslitaleik í Miðgarði í gær, 4:2. Stjarnan/Álftanes fékk 9 stig í A-riðli, Valur 6, Fylkir eitt og KR eitt stig.
Víkingur vann B-riðilinn með yfirburðum, lagði Fram 7:1 í lokaleiknum á föstudag og fékk 9 stig og var með markatöluna 19:2. Þróttur fékk 6 stig, Fram 3 og Fjölnir ekkert.
Úrslitaleikur Víkings og Stjörnunnar/Álftanes fer fram í Egilshöllinni á sunnudaginn kemur, 2. febrúar, klukkan 18.
Stórfelld netárás gerð á DeepSeek
„Við treystum því að þetta muni fara vel“
Landsbankinn segir að skoða þurfi málið nánar
Buðust til að senda hermenn til Grænlands
„Stærsti núverandi baráttuvettvangur stórveldanna“
„Ansi sérstakt“ ef Inga notfærði sér stöðu sína
„Gildir um Bandaríkin eins og aðra“