Víkingar lögðu HK - tíu mörk á Selfossi
Setja bókamerki
Víkingur lagði HK að velli, 2:0, í kvöld í fyrsta leik sínum í deildabikarkeppni karla í knattspyrnu, viku fyrir stórleikinn gegn Panathinaikos frá Grikklandi sem fram fer í Helsingi 13. febrúar.
Leikurinn, sem fram fór á Víkingsvellinum, var markalaus fram í miðjan síðari hálfleik en þá skoruðu Daníel Hafsteinsson og Danijel Dejan Djuric með tveggja mínútna millibili, 2:0, og þar við sat.
Víkingar misstu nýja varnarmanninn Róbert Frosta Þorkelsson meiddan af velli eftir aðeins sex mínútna leik.
Á Selfossi gerðu 1. deildarlið Selfoss og Leiknis úr Reykjavík ótrúlegt tíu marka jafntefli, 5:5. Frosti Brynjólfsson, sem kom til Selfyssinga frá Haukum, skoraði þrennu í sínum fyrsta mótsleik og þeir Brynjar Bergsson og Daði Kolviður Einarsson skoruðu hin tvö mörk Selfyssinga.
Grindvíkingurinn Dagur Ingi Hammer var líka drjúgur í sínum fyrsta leik í keppninni með Leikni og skoraði tvö mörk en hin gerðu Sindri Björnsson, Karan Gurung og Shkelzen Veseli.
Of mikil einföldun að skella skuldinni á geðrof
Smíða úrræði fyrir „hættulega einstaklinga“
Umboðsmaður vill upplýsingar um dagskrá Höllu
Ábatinn gæti verið meiri en áhættan
Dómurinn lengdur í sjö ár úr þremur og hálfu
Eiga að loka flugbrautinni fyrir laugardag
Stöðva hundruð þúsunda svikatilrauna