Mikið breyst frá því Arnar var í landsliðinu

„Þetta er búið að vera frá­bært hingað til,“ sagði Arn­ar Gunn­laugs­son, landsliðsþjálf­ari karla í fót­bolta, á blaðamanna­fundi landsliðsins í Prist­ínu í Kó­sovó í gær­kvöldi um fyrstu þrjá mánuðina í starf­inu.

„Það er mjög fag­mann­lega að öllu staðið og þessi ferð er búin að opna aug­un mín fyr­ir því starfi sem er búið að vera í gangi. Það er hugsað út í öll smá­atriði og allt geng­ur eins og smurð vél.

Starfs­fólkið kann sitt fag og læt­ur mér líða eins og ég sé bú­inn að vera með þeim í mörg ár. Strák­arn­ir hafa svo tekið mér mjög vel,“ sagði Arn­ar og hélt áfram:

„Það eru ein­hverj­ar 80 tösk­ur með okk­ur núna. Þegar ég var í þessu landsliði var þetta ein taska og maður hélt á öllu sjálf­ur.

Þetta er allt ann­ar leik­ur og þetta er eins og risa­stórt fyr­ir­tæki. Það er mikið hlúð að leik­mönn­um, sem sinna erfiðasta starf­inu, sem er að ná í úr­slit.“

• Blogga um frétt