Strákarnir réðu ekki við Dani

Íslenska U19 ára landsliðið í knatt­spyrnu beið í dag lægri hlut fyr­ir Dön­um, 2:0, í undan­keppni Evr­ópu­móts karla í þess­um ald­urs­flokki.

Liðin mætt­ust í ung­verska bæn­um Hajd­uszo­boszlo en þetta var fyrsta um­ferðin í mill­iriðli um sæti í loka­keppni EM.

Oscar Schw­artau kom Dön­um yfir á 35. mín­útu og ís­lenska liðið skoraði slysa­legt sjálfs­mark í lok fyrri hálfleiks­ins.

Þar við sat og Dan­ir eru komn­ir með þrjú stig. Íslensku strák­arn­ir mæta Aust­ur­ríki á laug­ar­dag­inn og svo Ung­verjalandi í lokaum­ferðinni á þriðju­dag­inn. Sig­urlið riðils­ins kemst í loka­keppn­ina en hún fer fram í Rúm­en­íu í sum­ar.

• Blogga um frétt