Áfall fyrir Víkinga

Ni­kolaj Han­sen, fyr­irliði karlaliðs Vík­ings úr Reykja­vík í fót­bolta, er meidd­ur aft­an í læri og miss­ir af þeim sök­um af fyrstu leikj­um Íslands­móts­ins.

Þetta til­kynnti Sölvi Geir Ottesen, þjálf­ari Vík­inga, í sam­tali við fót­bolta.net en Han­sen tognaði aft­an í læri í æf­inga­leik gegn Grinda­vík á miðviku­dag­inn.

Hanesn kom inn á sem varamaður í leikn­um og ger­ir þjálf­ar­inn ráð fyr­ir því að danski fram­herj­inn verði frá í þrjár til fjór­ar vik­ur.

Fyrstu leik­ir Vík­inga í Bestu deild­inni verða gegn ÍBV á heima­velli, KA á úti­velli, Aft­ur­eld­ingu á úti­velli, gegn Val á úti­velli og gegn Fram á heima­velli.

• Blogga um frétt