Tveir litlir pjakkar frá Skaganum

Ísak Berg­mann Jó­hann­es­son og Há­kon Arn­ar Har­alds­son léku sam­an á miðri miðjunni gegn Kósóvó í Þjóðadeild­inni í fót­bolta í gær­kvöldi. Þeir eru báðir frá Akra­nesi og eru góðir vin­ir.

„Það var ótrú­lega sér­stakt að spila sam­an á miðjunni, tveir litl­ir pjakk­ar frá Skag­an­um,“ sagði Ísak um sam­vinnu þeirra í gær.

„Mér fannst við spila vel sam­an í fyrri hálfleik. Það var meira basl í seinni hálfleik og Há­kon var óhepp­inn í mark­inu. Það var klár­lega brotið á hon­um,“ bætti hann við og hélt áfram:

„Há­kon er einn besti leikmaður sem ég hef spilað með og hann get­ur gert mis­tök eins og aðrir. Nú er það áfram gakk,“ sagði Ísak.

Ísak Berg­mann og Há­kon Arn­ar voru báðir í byrj­un­arliðinu í gær. Ljós­mynd/​Alex Nicodim

• Blogga um frétt