Reyni alltaf að vera ég sjálfur

Orri Steinn Óskars­son svaraði spurn­ing­um frétta­manna á Esta­dio Nu­eva Condom­ina-vell­in­um í Murcia á Spáni í dag, þar sem Ísland leik­ur við Kósóvó í seinni leik liðanna í um­spili um sæti í B-deild Þjóðadeild­ar­inn­ar.

Orri var landsliðsfyr­irliði í fyrsta skipti er Ísland mátti þola tap, 2:1, í fyrri leikn­um á fimmtu­dags­kvöld í Kó­sovó.

„Það var auðvitað frá­bær til­finn­ing og mikið stolt. Þetta var frek­ar eðli­legt fyr­ir mig og hafði ekki áhrif á hvernig ég spilaði leik­inn. Ég reyni alltaf að vera ég sjálf­ur. Ég er spennt­ur að fá að gera þetta aft­ur,“ sagði hann.
Orri skoraði mark Íslands eft­ir fal­lega send­ingu frá Ísaki Berg­mann Jó­hann­es­syni.

„Þetta var frá­bært mark. Þetta var góður spilkafli og svo er góð teng­ing á milli mín og Ísaks frá FCK. Ég þarf ekki einu sinni að kalla í bolt­ann því hann veit að ég er að fara að taka þetta hlaup. Þegar ég fékk bolt­ann sá ég svo bara markið.

„Við vor­um með góð tök eft­ir að þeir komust yfir aft­ur og við hefðum getað skorað aft­ur. Leik­ur­inn er ekki alltaf dans á rós­um og litl­ir hlut­ir geta breytt miklu,“ sagði Orri Steinn.

• Blogga um frétt