Ísak er góður og traustur vinur

Val­geir Lund­dal Friðriks­son, landsliðsmaður í fót­bolta, hef­ur átt gott fyrsta tíma­bil hjá Düs­seldorf í Þýskalandi. Hann er ánægður með tím­ann sinn hjá fé­lag­inu hingað til.

„Þetta hef­ur verið mjög gott. Ég hef fengið traustið og byrjað flesta leiki. Ég er ánægður með traustið sem ég fæ frá þjálf­ur­un­um. Það er alls ekki sjálf­gefið að fá að spila svona mikið á fyrsta tíma­bili í nýju landi,“ sagði Val­geir við mbl.is.

Ísak Berg­mann Jó­hann­es­son var fyr­ir hjá Düs­seldorf og eru þeir því liðsfé­lag­ar.

„Ísak er góður og traust­ur vin­ur. Hann var bú­inn að vera þarna í eitt ár og kunni á fé­lagið og borg­ina. Hann hjálpaði mikið. Von­andi missi ég hann ekki frá mér. Ef hann held­ur áfram að spila svona vel fer hann ör­ugg­lega í enn betra lið,“ sagði Val­geir.

Hann er mjög hrif­inn af knatt­spyrnu­menn­ing­unni í Þýskalandi, þar sem stemn­ing­in er mik­il og gríðarleg vel mætt.

„Þetta er allt annað en ég er van­ur. Ég spilaði fyr­ir fram­an 25.000 í Svíþjóð en þarna eru þeir enn fleiri, alltaf upp­selt og mik­il stemn­ing. Þarna er maður mætt­ur í ein­hverja klikk­um og 50.000 manns á vell­in­um. Það er sturlað að spila fyr­ir fram­an svona,“ sagði hann.

• Blogga um frétt