Björgvin Páll ósammála gagnrýninni

Björg­vin Páll Gúst­avs­son, markvörður Vals og ís­lenska landsliðsins í hand­knatt­leik, kveðst ósam­mála Lár­usi Orra Sig­urðssyni, sparkspek­ingi hjá Stöð 2 Sport, sem ráðlagði eldri leik­mönn­um karla­landsliðsins í knatt­spyrnu að yf­ir­gefa leik­inn áður en leik­ur­inn yf­ir­gef­ur þá.

Lár­us Orri nefndi sér­stak­lega frammistöðu Arons Ein­ars Gunn­ars­son­ar sem átti erfitt upp­drátt­ar í tveim­ur leikj­um Íslands gegn Kó­sovó í yf­ir­stand­andi lands­leikja­glugga.

Frétt af mbl.is

Erfitt að sjá Aron Ein­ar svona

„Mikið rosa­lega er ég ósam­mála þessu. Þarna er maður að fórna sèr fyr­ir liðið eins lengi og þörf er á hans kröft­um. Þetta snýst, alla­vega hjá mèr, ekki um ein­hvern full­kom­inn endi. Per­sónu­lega mun ég spila fyr­ir landsliðið þangað til að ég er ekki val­inn og tek því hlut­verki sem mèr er gefið.

Landsliðið á ekki að snú­ast um ein­stak­ling­inn og ef èg væri bara að hugsa um sjálf­an mig, minn spil­tíma eða mína arf­leifð, þá væri èg löngu hætt­ur. Ég er nefni­lega líka að þessu fyr­ir strák­ana, þjóðina, börn­in mín ofl. Held að Aron, Gylfi o.fl. sèu á svipuðum stað,“ skrifaði Björg­vin Páll á Face­book-síðu sinni.

• Blogga um frétt