Seldu harðfisk fyrir jafnaldra sinn í HK

Leik­menn í 4. flokki karla í knatt­spyrnu hjá Sel­fossi tóku sig til og söfnuðu fé fyr­ir jafn­aldra sinn Tóm­as Frey, sem leik­ur með 4. flokki HK og hef­ur glímt við krabba­mein und­an­farna mánuði.

Í til­kynn­ingu frá knatt­spyrnu­deild Sel­foss er greint frá því að leik­menn 4. flokks hafi viljað styrkja Tóm­as Frey og ákveðið að eig­in frum­kvæði að selja harðfisk og leggja svo ágóðann inn á styrkt­ar­reikn­ing hans.

Tóm­as Freyr hef­ur þurft að fara í erfiðar lyfjameðferðir vegna krabba­meins sem hann greind­ist með í októ­ber síðastliðnum og gekkst til að mynda und­ir stóra aðgerð í des­em­ber í Svíþjóð.

Liðsfé­lag­ar hans hjá HK héldu styrkt­ar­leik fyr­ir Tóm­as Frey í Kórn­um í janú­ar síðastliðnum.

Í til­kynn­ingu knatt­spyrnu­deild­ar Sel­foss seg­ir að strák­arn­ir í 4. flokki Sel­foss sendi bar­áttu­kveðjur til Tóm­as­ar Freys.

• Blogga um frétt