Systkini sameinast á Seltjarnarnesi

Albanska knatt­spyrnu­kon­an Maria Baska er geng­in til liðs við Góttu á Seltjarn­ar­nesi.

Þetta til­kynnti fé­lagið á sam­fé­lags­miðlum sín­um en Baska, sem er 25 ára göm­ul, skrifaði und­ir tveggja ára samn­ing við Gróttu.

Hún hef­ur leikið í Grikklandi, Búlgaríu, Tyrklandi og Alban­íu á leik­manna­ferl­in­um og þá á hún að baki þrjá A-lands­leiki fyr­ir Alban­íu.

„Maria flutti hingað til lands síðasta haust en eins og kunn­ugt er hef­ur bróðir henn­ar Leon spilað með Gróttu frá ár­inu 2022,“ seg­ir í til­kynn­ingu Gróttu.

„Nú eru systkin­in sam­einuð á Vi­valdi­vell­in­um og við bjóðum Mariu hjart­an­lega vel­komna á Nesið,“ seg­ir enn­frem­ur í til­kynn­ing­unni.

• Blogga um frétt