Spilar bæjarstjórinn í sumar?

Pét­ur Georg Mark­an, bæj­ar­stjóri Hvera­gerðis, hef­ur fengið fé­laga­skipti í Ham­ar og gæti tekið skóna fram í sum­ar eft­ir að hafa síðast spilað með Herði á Ísaf­irði sum­arið 2018.

Pét­ur Georg er 44 ára gam­all og lék á sín­um tíma 43 leiki í efstu deild og skoraði í þeim 13 mörk fyr­ir Fjölni, Val og Vík­ing úr Reykja­vík.

„Pét­ur Mark­an skipti yfir, bæj­ar­stjór­inn sjálf­ur. Hann sagðist geta tekið ein­hverj­ar mín­út­ur í sum­ar ef vantaði. Ég sá hann á fir­ma­móti um síðustu helgi og hann leit ágæt­lega út þar.

Við sjá­um hvort hann geti ekki komið með ein­hverj­ar inn­kom­ur síðustu tíu mín­út­urn­ar eða eitt­hvað. Við erum að sækja í reynsl­una. Það eru ekki mörg lið sem eru með bæj­ar­stjór­ann í hóp,“ sagði Valdi­mar Unn­ar Jó­hanns­son, þjálf­ari Ham­ars, í sam­tali við Fót­bolta.net.

Ham­ar leik­ur í 4. deild í sum­ar.

Pét­ur Georg Mark­an var á síðasta ári ráðinn bæj­ar­stjóri Hvera­gerðis.

• Blogga um frétt