Þetta var bara gredda

Fram vann góðan 4:2-sig­ur á liði Breiðabliks í Bestu deild karla í kvöld en Breiðablik var 2:0 yfir í hálfleik. Leik­menn Fram skoruðu öll mörk­in fjög­ur á ell­efu mín­útna kafla í seinni hálfleik.

Guðmund­ur Magnús­son, leikmaður Fram, sem kom inn á völl­inn sem varamaður á 66. mín­útu leiks­ins gerði síðustu tvö mörk Fram í leikn­um. Guðmund­ur var ansi sátt­ur eft­ir leik­inn í sam­tali við blaðamann mbl.is.

„Þetta er bara al­menn gleði og létt­ir að vera kom­inn á blað. Við átt­um í smá erfiðleik­um í fyrri hálfleik en fór­um í þetta af krafti í seinni hálfleik og ætluðum að vinna,” sagði Guðmund­ur bros­andi.

Frétt af mbl.is

Mögnuð end­ur­koma Fram gegn Breiðabliki

Þegar þú kem­ur inn á 66. mín­útu leiks­ins er staðan enn þá 2:0 fyr­ir Breiðablik en það kom mik­il orka með þér þegar þú komst inn á.

„Þetta var bara gredda held ég. Þetta var alls ekki nógu gott í fyrri hálfleik og ég held að menn hafi skuldað aðeins frammistöðu í seinni hálfleik. Þetta er oft þannig í fót­bolta að mörk breyta leikn­um og mó­mentið snér­ist bara þarna þegar við minn­um mun­inn og fund­um það að við vor­um með yf­ir­hönd­ina. Við bara sótt­um þenn­an sig­ur,” bætti Guðmund­ur við.

En hvað seg­ir þessi seinni hálfleik­ur um liðið?

„Við erum með hörkulið og þegar all­ir eru með á nót­un­um þá erum við erfiðir. Þetta er bara rétt að byrja, bara tveir leik­ir bún­ir.

Við átt­um ekki al­veg nógu góðan leik í byrj­un á móti Skag­an­um. Mér fannst samt við betri í þeim leik þó að þeir hafi unnið 1:0. Við vor­um á móti vindi í fyrri hálfleik hér í kvöld og Blikarn­ir eru auðvitað bara hörkulið og kunna að þjarma að liðum og sem bet­ur fer var bara 2:0 í hálfleik fyr­ir þá.

Það hefði verið betra að halda núll­inu en við nýt­um bara meðvind­inn í seinni hálfleik og höld­um þeim í pressu,” sagði Guðmund­ur einnig.

En þú sjálf­ur? Þú ert bú­inn að byrja báða leik­ina á bekkn­um. Ertu heill heilsu eða?

„Ég tognaði lít­il­lega eft­ir æf­inga­ferðina og er bara bú­inn að vera í hörku­pró­grammi að koma mér til baka. Maður verður að passa sig að fara ekki of geyst svo maður lendi ekki í ein­hverju bak­slagi. Það eru 25 leik­ir eft­ir og ég vil alls ekki missa af 10 leikj­um en það gæti hugs­an­lega gerst ef maður fer of fljótt af stað. Eitt skref í einu,” sagði Guðmund­ur Magnús­son að lok­um.

• Blogga um frétt