Hólmar: Beita öflugum skyndisóknum og verjast vel

Hólm­ar Örn Eyj­ólfs­son mun vænt­an­lega standa vakt­ina í miðri vörn Íslands þegar ís­lenska U21 ára liðið hef­ur þátt­töku í úr­slita­keppni Evr­ópu­móts­ins á morg­un. Fyrsti leik­ur liðsins er á móti Hvít-Rúss­um sem Hólm­ar seg­ir að séu með öfl­ugt lið.

,,Við erum bún­ir að und­ir­búa okk­ur vel og fara vel yfir lið Hvít-Rússa. Þeir eru með lið sem gefst aldrei upp svo við þurf­um að taka vel á þeim og sýna mikla hlaupa­getu. Þetta er stutt mót og því er mik­il­vægt að byrja það vel og það ætl­um við okk­ur að gera. Við þurf­um að beita öfl­ug­um skynd­isókn­um og verj­ast vel eins og við gerðum í undan­keppn­inni og fyrsta mark­miðið er að kom­ast í undanúr­slit­in,“ sagði Hólm­ar Örn við mbl.is.

• Blogga um frétt