Eins og risastór mölflugugildra
Setja bókamerki
Tengdar fréttir
EM 2016 í fótbolta
Mölflugnager á Stade de France í París yfirskyggði heldur bragðdaufan úrslitaleik heimamanna og Portúgala í gærkvöld, sérstaklega eftir að ein þeirra tyllti sér á Cristiano Ronaldo. Sérfræðingar segja að flóðljós vallarins hafi líklega laðað mölflugurnar sem voru á leiðinni norður á bóginn þangað.
Flugurnar eru af tegundinni gammayglur en það er fartegund sem flytur sig norður í gegnum Evrópu á sumrin í leit að svæðum til að fjölga sér áður en hún snýr aftur til suðurs á haustin, að því er The Guardian hefur eftir Richard Fox frá breskum fiðrildaverndarsamtökum.
That moment when Ronaldo cries and a moth gently lands on his nose to comfort him. #Euro2016Final #RonaldoMoth pic.twitter.com/lcpTsi9bIv
— 9GAG (@9GAG) July 10, 2016
Á hlýju sumarkvöldi eins og því sem var í París í gærkvöldi segir Fox að upplýstur knattspyrnuvöllurinn virki eins og risastór mölflugugildra. Hann hafi laðað að sér þúsundir mölflugna sem voru á ferðinni í grenndinni.
Fyrst varð vart við mölflugurnar þegar dómari leiksins og aðstoðarmenn hann fóru fyrst út á grasið. Mölflugurnar voru því líklega komnar kvöldið áður en flóðljósin voru skilin eftir í gangi um nóttina fyrir leikinn.
„Þegar öll þessi stóru spendýr koma og þramma um grasið fljúga mölflugurnar upp og í burtu mjög skynsamlega,“ segir Fox.
Dýraríkið hafði ekki lokið sýningunni þar því blaðamenn sem voru á leiknum segja að fljótlega hafi dúfur drifið að. Upphófst þá eltingaleikur og veisla hjá fuglunum sem gæddu sér á mölflugunum.
skies above stade de france dark with birds feasting on the moth swarm. this is all getting a bit metal actually
— Ken Early (@kenearlys) July 10, 2016
Tengdar fréttir
EM 2016 í fótbolta
