Ragnar valinn í lið mótsins
Setja bókamerki
Tengdar fréttir
EM 2016 í fótbolta
Ragnar Sigurðsson, varnarmaður íslenska landsliðsins í knattspyrnu, hlaut náð fyrir augum blaðamanna Guardian þegar þeir völdu lið mótsins á Evrópumótinu sem lauk með sigri Portúgals í gær.
„Ragnar var eins og klettur í miðri vörn íslenska liðsins og samvinna hans og Kára Árnasonar í hjarta varnarinnar var til fyrirmyndar. Ragnar og gott varnarskipulag áttu ríkan þátt í velgengni liðsins. Frammistaða Ragnars hefur vakið athygli liða í ensku úrvalsdeildinni,“ sagði meðal annars í umsögn Guardian um íslenska varnarmanninn.
Lið mótsins að mati Guardian er þannig skipað: Lukasz Fabianski - Joshua Kimmich, Giorgio Chiellini, Ragnar Sigurðsson, Raphaël Guerreiro - Grezegorz Krychowiak, Andrés Iniesta, Aaron Ramsay - Ivan Perisic, Antoine Griezmann, Dimitri Payet.
Tengdar fréttir
EM 2016 í fótbolta
