Sveindís gerir eitthvað geggjað
Setja bókamerki
„Markmiðið hlýtur að vera að komast upp úr riðlinum,“ sagði knattspyrnukonan Fanndís Friðriksdóttir í Dætrum Íslands, EM-hlaðvarpi mbl.is, þegar rætt var um möguleika íslenska kvennalandsliðsins í lokakeppni EM sem fram fer á Englandi.
Fanndís var einn af sérfræðingum þáttarins ásamt Katrínu Ásbjörnsdóttur og Rakel Hönnudóttur en Ísland mætir Belgíu í fyrsta leik sínum í D-riðli lokakeppni Evrópumótsins á akademíuvellinum í Manchester á morgun.
„Við erum með mjög spennandi hóp núna og blandan í liðinu er virkilega góð, sagði Fanndís.
Það er enginn leikur þarna sem við eigum að vinna en við getum hæglega unnið öll þessi lið ef við spilum okkar leik.
Við eigum Sveindísi [Jane Jónsdóttur] líka sem gerir eitthvað geggjað,“ sagði Fanndís meðal annars.
Hægt er að hlusta á þáttinn í heild sinni í spilaranum hér fyrir neðan.
