Fékk fjöldasöng í sextugsafmælisgjöf
Sólveig Anna Gunnarsdóttir er sextug í dag.
mbl.is/Eggert Jóhannesson
Setja bókamerki
Sólveig Anna Gunnarsdóttir, móðir Berglindar Bjargar Þorvaldsdóttir, landsliðskonu Íslands í knattspyrnu, er hvorki meira né minna en sextug í dag.
Sólveig Anna er mætt til Manchester þar sem íslenska liðið mætir Belgíu í fyrsta leik sínum í D-riðli Evrópumótsins á akademíuvellinum í Manchester í dag.
Hún lét sig ekki vanta ásamt fjölskyldu sinni á Fanzone stuðningsmanna íslenska liðsins í Piccadilly Gardens í miðborg Manchester nú síðdegis.
Plötusnúðurinn Dóra Júlía Agnarsdóttir tilkynnti viðstöddum að Sólveig Anna væri sextug í dag og eftir það reis fólk úr sætum og söng afmælissönginn fyrir Sólveigu Önnu sem tók vel undir sjálf.
