Önnur alvarleg meiðsli í herbúðum Íslands?
Telma Ívarsdóttir og Sandra Sigurðardóttir á æfingu Íslands í Crewe.
mbl.is/Eggert Jóhannesson
Setja bókamerki
Telma Ívarsdóttir, markvörður íslenska kvennalandsliðsins í knattspyrnu, meiddist á æfingu liðsins í Crewe í morgun.
Þetta tilkynnti landsliðsþjálfarinn Þorsteinn Halldórsson á blaðamannafundi íslenska liðsins á akademíuvellinum í Manchester í dag.
Cecilía Rán Rúnarsdóttir fingurbrotnaði á æfingu liðsins á föstudaginn síðasta en Auður Scheving var kölluð inn í hópinn í hennar stað.
„Telma meiddist aðeins á æfingunni áðan,“ sagði landsliðsþjálfarinn.
„Við vitum ekki hversu alvarlegt þetta er og ég fékk bara að heyra af þessu þegar ég var á leiðinni á blaðamannafundinn að hitta ykkur.
„Við tökum stöðuna á þessu seinna í dag og hvort við munum þurfa að grípa til einhverra ráðstafanna,“ bætti Þorsteinn við.
