„Við hefðum getað unnið þenn­an leik,“ sagði svekkt­ur Þor­steinn Hall­dórs­son, þjálf­ari ís­lenska landsliðsins, eft­ir 1:1 jafn­tefli gegn Ítal­íu í öðrum leik Íslands á Evr­ópu­móti kvenna í fót­bolta í Manchester í dag. 

„Ég veit það ekki maður, ég veit það ekki. Þetta var erfiður leik­ur, þær lágu á okk­ur en heilt yfir sköpuðum við okk­ur ágæt­is færi til að skora líka. Spila­lega séð vor­um við ekki að spila okk­ar besta leik, við vörðumst ágæt­lega á köfl­um en vor­um í smá brasi í upp­spil­inu.

Ítal­ir gerðu tölu­verðar breyt­ing­ar frá leikn­um gegn Frakklandi bæði taktíst­lega séð og á leik­mönn­um. Það ætti ekki að koma okk­ur á óvart nema það að þær spiluðu mun aft­ar en maður bjóst við með varn­ar­lín­una. Þær hafa aldrei gert það áður sama hver mót­herj­inn er.  Við náðum ekki að leysa það nógu vel en við hefðum al­veg getað unnið þenn­an leik.

Við ætluðum að þrýsta þær aft­ar ef þær yrðu hátt með lín­una og ef svæðin mynduðust af því þær höfðu verið hátt með lín­una gegn Frakklandi og ekki með svaka pressu á bolt­an­um. Svo lágu þær aft­ar­lega með lín­una þannig það var ekki hægt að spila mikið bakvið . Það voru að mynd­ast pláss á milli en við vor­um ekki að finna þau og vor­um of fljót að rjúka af stað og lét­um þær stýra því hvert bolt­inn fór.“ 

En þetta var drauma­byrj­un á leikn­um?

„Já við feng­um góða byrj­un og góða hluti að fara inn í hálfleik­inn með 1:0 og var það fínt. Manni fannst eng­in svaka hætta í fyrri hálfleik svo kom kafli í síðari hálfleik þar sem þær lágu á okk­ur og náðu að opna okk­ur og þær voru lík­leg­ar en við stóðumst það. Og svo kem­ur þetta mark sem var smá klaufagang­ur í kring­um.“ 

Riðil­inn er en gal­op­in?

„Ef að frakk­ar vinna Belg­íu á eft­ir þá er þetta ennþá í okk­ar hönd­um, það er ekki flókn­ara en það. Ég sagði það í viðtali fyr­ir leik að við vild­um hafa það þannig að við vild­um stýra því hvort við kom­umst áfram eða ekki. Ef Frakk­ar vinna á eft­ir þá er hrein úr­slita­leik­ur á mánu­dag­inn og það er bara næsti leik­ur áfram gakk og vinna Frakka.“ 

Þú tókst á móti Karólínu þegar hún fór af velli svekkt, viltu deila því hvað fór ykk­ar á milli?

„Ég held að ég hafi ekki sagt neitt við hana ég bara brosti til henn­ar og tók utan um hana, held að það hafi ekki verið flókn­ara en það,“ sagði Þor­steinn að lok­um í sam­tali við RÚV eft­ir leik. 

Tengd­ar frétt­ir

EM 2022

Úrvalslið Evr­ópu­móts­ins

• Vilja vera ein af ljónynj­un­um
• Leikmaður breytt­ist í blaðamann
• Hljóm­ar vel en er svo­lítið sárt
• Kannski aðeins of mikið áfengi

» Fleiri tengd­ar frétt­ir

• Blogga um frétt