Örugglega stoltasti kærastinn
Karítas Ríkharðsdóttir
Setja bókamerki
Sigurður Ingi Bergsson, kærasti Sveindísar Jane Jónsdóttur segist örugglega vera stoltasti kærastinn þessa daganna.
„Hún stóð sig ótrúlega vel og leiðinlegt hvernig fór. Hún var ekkert rosalega glöð eftir leikinn,“ segir Sigurður Ingi um frammistöðu Sveindísar.
Sveindís Jane hefur átti stórkostlega innkomu á mótið og var útnefnd maður leiksins í leik Íslands og Belgíu á sunnudaginn. Þá hefur hún verið mikið til umfjöllunar, bæði í innlendum og erlendum fréttamiðlum vegna frammistöðu sinnar.
Munar um aðdáendasvæðið
Stemmningin á aðdáendasvæðinu í dag hefur verið ótrúleg og meiri mæting en fyrir síðasta leik. Margir Íslendingar flugu til Manchester skömmu fyrir síðasta leik og náðu því ekki að mæta á aðdáendasvæðið. Sigurður Ingi var einn af þeim og segir mikinn mun að ná aðdáendasvæðinu í fullu fjöri.
Ellefu manna fylgdarlið er með fjölskyldu Sveindísar og bætir í fyrir næsta leik. Sigurður Ingi, fjölskylda og tengdafjölskylda Sveindísar skelltu sér einnig á leik Svíþjóðar gegn Sviss í gær.
