Guð minn góður sjáðu þau
Chloe Kelly fangar sigurmarki sínu í dag.
AFP
Setja bókamerki
„Þetta er óraunverulegt,“ sagði Chloe Kelly eftir að hafa skorað sigurmarkið og unnið Evrópumótið í fótbolta fyrr í dag.
Chloe Kelly kom inn á völlinn á 64. mínútu og skoraði sigurmarkið á 110. mínútu í 2:1 sigri Englands á Þýskalandi.
Hún benti á mannfjöldann á vellinum og sagði: „Guð minn góður, sjáðu þau, þetta er ótrúlegt. Ég vil þakka hverri einustu manneskju sem styður okkur, satt að segja er þetta ótrúlegt. Þetta er það sem draumar eru gerðir úr,“ sagði Chloe Kelly en Wembley-völlurinn var stútfullur.
„Það er ótrúlegt að vera hér og að skora sigurmarkið. Þessar stelpur er einstakar, þessi stjóri er einstakur. Þetta er ótrúlegt, mig langar bara að fagna núna,“ sagði Kelly að lokum í samtali við BBC eftir leik.
