Knattspyrnumaðurinn Frenkie de Jong, miðjumaður Barcelona, fer ekki með hollenska landsliðinu á EM 2024 sem hefst í Þýskalandi í lok vikunnar.
Hollenska knattspyrnusambandið tilkynnti á samfélagsmiðlum í kvöld að de Jong myndi ekki taka þátt á mótinu.
Frenkie de Jong won’t participate at EURO 2024. 😔
— OnsOranje (@OnsOranje) June 10, 2024
We are with you, Frenkie. 🧡#NothingLikeOranje pic.twitter.com/JlR3V5ETyZ
Miðjumaðurinn knái hefur verið að glíma við þrálát ökklameiðsli undanfarna mánuði og aðeins spilað þrjá leiki frá því í mars vegna þeirra.
Ronald Koeman landsliðsþjálfari lét hafa það eftir sér á fréttamannafundi fyrir leik Hollands gegn Íslandi í kvöld að de Jong færi með liðinu á Evrópumótið þó ólíklegt væri að hann gæti tekið þátt í fyrsta leik liðsins gegn Póllandi á sunnudag.
Nú er ljóst að svo verður ekki.