Dó ekki áfengisdauða á Evrópumótinu

Knattspyrnusamband Evrópu, UEFA, þvertekur fyrir það að stuðningsmaður enska karlalandsliðsins í knattspyrnu hafi sofnað á vellinum eftir sigur Englands á Serbíu, 1:0, á Evrópumótinu í Gelsenkirchen á sunnudaginn var. 

Á mánudaginn fór myndskeið af stuðningsmanni nývöknuðum á heimavelli Schalke fór í mikla dreifingu á samfélagsmiðlum. 

Margir héldu að stuðningsmaðurinn hafi verið á leik Englands og Serbíu og dáið áfengisdauða á vellinum en svo var víst ekki. 

Myndbandið var ekki tekið upp á mótinu

Enski miðilinn SPORTbible hafði samband við UEFA vegna málsins og í yfirlýsingu frá sambandinu kom fram að stuðningsmaðurinn hafði verið á vellinum löngu áður. 

„Það er augljóst að myndbandið var ekki tekið upp á Evrópumótinu eða jafnvel undanfarnar vikur vegna skorts af merkingum og auglýsingum á leikvanginum,“ sagði UEFA en myndskeiðið má sjá hér að neðan. 

• Blogga um frétt