Grét á varamannabekknum

Joey Veerman vill gleyma leik Hollands og Austurríkis sem fyrst en miðjumaðurinn var tekinn af velli í fyrri hálfleik eftir skelfilega frammistöðu. 

Veerman tapaði boltanum sextán sinnum og hitti á samherja einungis níu sinnum í nítján tilraunum á 35 mínútum og var skipt af velli fyrir Xavi Simons. Veerman var augljóslega í uppnámi þegar hann settist á varamannabekk Hollands eins og sjá má í myndbandinu hér fyrir neðan.

Holland tapaði 3:2 en staðan var 1:0 fyrir Austurríki þegar Veerman fór af velli.

• Blogga um frétt