Nacho Fernandez, fyrirliði Real Madrid, hefur gengið til liðs við Al-Qadasiya í Sádí-Arabíu og gerir tveggja ára samning við félagið sem er nýliði í ofurdeildinni þar í landi.
Nacho hefur verið leikmaður Real Madrid frá tíu ára aldri og á ferilskrá hans má sjá sex Meistaradeildartitla og fjóra spænska meistaratitla.
Varnarmaðurinn gengur til liðs við Al-Qadasiya að loknu EM en hann er í spænska hópnum sem mætir Georgíu á sunnudaginn.