Cristiano Ronaldo slapp með skrekkinn þegar æstur áhorfandi stökk úr stúkunni og reyndi að sparka í goðsögnina eftir leik Portúgals og Georgíu í gær.
Ronaldo var tekinn af velli á 65. mínútu í óvæntum 2:0-sigri Georgíu en Portúgal hafði fyrir leikinn tryggt sér sigur í riðlinum.
Þegar Ronaldo gekk til búningsherbergja í leikslok stökk karlmaður úr stúkunni og reyndi að sparka í höfuð Portúgalans. Skjót viðbrögð gæslumanns, sem stöðvaði Ronaldo í sporunum, björguðu því að manninum tækist að meiða leikmanninn.
This is crazy.pic.twitter.com/Rc1eLon23D
— The CR7 Timeline. (@TimelineCR7) June 27, 2024