Harry Kane, fyrirliði Englands, var himinsæll með 2:1-sigurinn á Slóvakíu í 16-liða úrslitum Evrópumóts karla í fótbolta í kvöld.
England var 0:1 undir þegar Jude Bellingham steig upp og skoraði stórkostlegt mark með bakfallsspyrnu á fimmtu mínútu uppbótartíma og knúði þannig fram framlengingu.
„Þetta er með betri mörkum sem maður hefur séð. Að skora svona mark á þessu augnabliki til þess að halda draumi okkar á lífi er eitt það sem maður getur hugsað sér.
Þvílíkur leikmaður! Ég hrósa honum fyrir að vera reiðubúinn á þessu augnabliki. Þetta var ekki auðvelt. Að skora mark af þessu tagi á þessu augnabliki sýnir bara hvernig persóna hann er,” sagði Kane í samtali við BBC Sport eftir leikinn.
Sjálfur skoraði hann sigurmarkið í upphafi framlengingarinnar.