Englendingar áfram eftir ótrúlegan leik
Setja bókamerki
England tryggði sér í dag sæti í átta liða úrslitum Evrópumóts karla í fótbolta með sigri á Slóvakíu, 2:1, í ótrúlegum leik í Gelsenkirchen. Réðust úrslitin í framlengingu eftir að England jafnaði á fimmtu mínútu uppbótartímans.
Englendingar voru meira með boltann framan af en gekk illa að skapa sér opin færi. Hinum megin skapaðist hætta í hvert einasta skipti sem Slóvakía sótti.
Það skilaði sér í fyrsta marki leiksins á 25. mínútu er Ivan Schranz slapp í gegn eftir sendingu frá Dávid Strelec.
Slóvakar höfðu verið líklegri fyrir markið og var forskotið verðskuldað. Englendingum gekk áfram illa að skapa sér færi út hálfleikinn og voru hálfleikstölur því 1:0, Slóvakíu í vil.
Englendingum gekk bölvanlega að reyna á Martin Dúbravka í marki Slóvaka stærstan hluta seinni hálfleiks. Declan Rice komst þó nærri því að skora á 81. mínútu er hann skaut í stöng utan teigs.
Stefndi allt í sögulegan sigur Slóvakíu þegar Jude Bellingham jafnaði með bakfallsspyrnu á fimmtu mínútu uppbótartímans eftir langt innkast frá Kyle Walker og skalla frá Marc Guéhi. Var því framlengt.
Harry Kane kom Englandi í 2:1 í fyrstu sókn framlengingarinnar er hann skallaði í netið af stuttu færi eftir að Ivan Toney skallaði boltann til hans innan teigs. Englendingar gáfu fá færi á sér eftir það og sigldu sigrinum í höfn.
Liðið mætir Sviss í átta liða úrslitum í Düsseldorf á laugardag.
Aðrir virkir leikir
| Spánn | 0:1 | Georgía |
|
|---|---|---|---|
| Georgía skorar 0:1 - Ja hérna hér! Sjálfsmark! Verið algjör einstefna hérna fyrstu 18 mínúturnar en ein skyndisókn frá Georgíumönnum kemur þeim yfir. Otar Kakabadze gefur boltann fyrir og þaðan fer hann í Le Normand og í netið. | |||
| Víkingur R. | 0:0 | Fram |
|
|---|---|---|---|
| Leikur hafinn | |||
Leiklýsing
| England | 2:1 | Slóvakía |
|
|---|---|---|---|
| Ivan Toney (England) á skot yfir Setur boltann vel yfir eftir skyndisókn. Þetta ætti að vera komið hjá Englendingum. Erfið fæðing! | |||
