Sýning Spánverja í Köln
Setja bókamerki
Spænsku landsliðsmennirnir voru magnaðir í kvöld og halda áfram uppteknum hætti. Spænska liðið mætir gestgjöfunum í Þýskalandi í átta liða úrslitunum í Stuttgart næstkomandi föstudag.
Eftir einstefnu Spánverja fyrstu mínútur leiksins komst Georgía óvænt yfir á 18. mínútu leiksins. Þá gaf Otar Kakabadze boltann fyrir markið sem fór af Spánverjanum Robin Le Normand og í netið, sjálfsmark og staðan 1:0.
Rodri jafnaði metin á 39. mínútu með frábæru marki utan teigs. Þá fékk hann boltann frá Nico Williams, tók eina snertingu, og smellti honum í fjærhornið, 1:1.
Fabián Ruiz kom Spáni í 2:1 á 51. mínútu. Þá stangaði hann frábæra fyrirgjöf Lamine Yamal í netið og Spánverjar búnir að snúa leiknum sér í vil.
Nico Williams skoraði þriðja mark Spánar á 75. mínútu. Þá fékk hann boltann eftir magnaða sendingu frá Fabián Ruiz, lék á varnarmenn Georgíu og hamraði boltanum í þaknetið, 3:1.
á 82. mínútu var komið að varamanninum Dani Olmo. Þá fékk hann boltann frá Mikel Oyarzabal, lék listilega á Guram Kashia, fyrirliða Georgíu, og setti boltann í netið, 4:1.
Aðrir virkir leikir
| England | 2:1 | Slóvakía |
|
|---|---|---|---|
| Leik lokið Eftir svakalegan leik eru Englendingar komnir í átta liða úrslit. Slóvakar sleikja sárin, þeir voru svo nálægt. | |||
| Víkingur R. | 2:1 | Fram |
|
|---|---|---|---|
| Leik lokið | |||
Leiklýsing
| Spánn | 4:1 | Georgía |
|
|---|---|---|---|
| Þremur mínútum bætt við. | |||
