Það voru 19 manns handteknir í fagnaðarlátum Tyrkja í Þýskalandi eftir sigur landsliðsins gegn Austurríki í 16-liða úrslitum á EM karla í fótbolta.
Leikurinn endaði 2:1 fyrir Tyrklandi sem mætir Hollandi í átta liða úrslitum á laugardaginn klukkan 19.00.
Stuðningsmenn skutu flugeldum að lögreglunni og einn lögreglumaður slasaðist en mikið af stuðningsmönnum fögnuðu í Horst og Bismarck hverfunum þar sem þeir flögguðu fánum út um bíla, flautuðu og voru með mikil læti langt fram á nótt.