Vonandi látum við hann hætta

Spánverjinn Joselu vonast til þess að leikur Þýskalands og Spánar í átta liða úrslitum Evrópumótsins í fótbolta á föstudaginn verði síðasta leikur fyrrverandi liðsfélaga hans Toni Kroos. 

Kroos er lykilmaður hjá Þýskalandi en hann mun leggja knattspyrnuskóna á hilluna eftir Evrópumótið. 

Joselu og Kroos voru samherjar hjá Real Madrid en þeir unnu spænsku deildina sem og Meistaradeildina á síðustu leiktíð. 

Joselu var spurður út í Kroos og að leikurinn gæti orðið hans síðasti á ferlinum á blaðamannafundi. 

„Vonandi látum við hann hætta á föstudaginn. Annars var mikill heiður að spila með honum,“ sagði spænski framherjinn einfaldlega. 

• Blogga um frétt