Flottara mark en hjá Bellingham

Kwadwo Duah, leikmaður Sviss, hrósaði Jude Bellingham fyrir markið sem hann skoraði er kom Englandi áfram í átta liða úrslit en sagði liðsfélaga sinn hafa skorað flottara mark á EM í fótbolta.

England mætir Sviss á morgun í átta liða úrslitum. Bellingham skoraði mark úr hjólhestaspyrnu sem jafnaði metin í 16-liða úrslitum gegn Slóvakíu, en leikurinn endaði 2:1 fyrir Englandi.

Duah sagði mark Xherdan Shaqiri í riðlakeppninni gegn Skotlandi vera flottara mark en það sem Bellingham skoraði.

„Markið hjá Shaqiri var betra. Það var erfiðara að skora það heldur en fyrir Bellingham og þess vegna er það flottara,“ sagði Duah.

• Blogga um frétt