Sá leikjahæsti leggur skóna á hilluna

Jan Vertonghen, leikjahæsti leikmaður belgíska landsliðsins í fótbolta, hefur ákveðið að leggja landsliðsskóna á hilluna. 

Vertonghen skoraði sjálfsmarkið sem sló Belga út úr Evrópumótinu á Þýskalandi þegar að liðið tapaði fyrir Frakklandi, 1:0, um daginn. 

Vertonghen á að baki 157 landsleiki fyrir Belgíu en hann er 37 ára gamall. 

Lengst komst hann með Belgíu í undanúrslit HM í Rússlandi 2018, þar sem liðið tapaði einnig fyrir Frakklandi. 

• Blogga um frétt