Tyrkneska knattspyrnusambandið segir að ekki sé búið að úrskurða varnarmanninn Merih Demiral í bann fyrir umdeilda fagnið hans.
Í gær greindi Bild í Þýskalandi frá því að UEFA hafi ákveðið að úrskurða Demiral í tveggja leikja bann vegna fagnsins.
Demiral fagnaði með tákni Gráúlfanna, hóps öfgaþjóðernissinna í Tyrklandi. Slíkt tákn hefur til dæmis verið bannað í Austurríki, nágrannalandi Þýskalands.
Tyrkenska knattspyrnusambandið er ósammála Bild og segir ekki vera búið að úrskurða í málinu. Enn eigi sambandið eftir að segja sína hlið og frestur til þess renni ekki út fyrr en í dag. Haft er eftir DPA-fréttaveitunni.
Demiral skoraði bæði mörk Tyrklands í sigri liðsins á Austurríki, 2:1, en tyrkneska liðið mætir Hollandi annað kvöld.