Fagnað fram á nótt á Spáni

Spánverjar fögnuðu á götum úti langt fram á nótt eftir að karlalandsliðið þeirra í knattspyrnu varð Evrópumeistari með því að sigra England, 2:1, í úrslitaleik í Berlín í gærkvöld.

Spánn hefur nú orðið Evrópumeistari karla fjórum sinnum, oftar en nokkur önnur þjóð í sögu keppninnar.

Stemningin var gríðarleg í höfuðborginni Madríd eftir að flautað hafði verið til leiksloka, eins og meðfylgjandi myndir gefa til kynna.