Þrumuræða Arons: Skorar á landsliðsmenn Íslands

„Mér finnst ekki vanta upp á það að menn séu aðeins hroka­full­ir og með sjálfs­traustið í botni,“ sagði Aron Pálm­ars­son, fyr­irliði ís­lenska karla­landsliðsins í hand­knatt­leik, í sam­tali við mbl.is eft­ir stórt tap gegn Ung­verjalandi í loka­leik liðsins í C-riðli Evr­ópu­móts­ins í Ólymp­íu­höll­inni í München í gær.

Íslenska liðið sá aldrei til sól­ar gegn Ung­verjalandi en er þrátt fyr­ir tapið, 33:25, komið áfram í mill­iriðla eft­ir sig­ur Svart­fjalla­lands gegn Serbíu í fyrri leik riðils­ins í München í dag.

Frétt af mbl.is

Hver mis­tök­in á fæt­ur öðrum gegn Ung­verj­um

Bland­an er góð

Frammistaða ís­lenska liðsins gegn Ung­verjalandi var mik­il von­brigði en liðið mæt­ir Þýskalandi, Frakklandi, Króa­tíu og loks Aust­ur­ríki í mill­iriðlin­um í Köln.

„Bland­an þar er góð, and­lega séð, og leikplanið gott líka. Við erum bún­ir að spila lengi sam­an og við erum farn­ir að þekkj­ast vel þannig að við höf­um í raun eng­ar af­sak­an­ir.

Við get­um ekki falið okk­ur á bak við neitt, við leik­menn, núna þarf hver og einn inn­an liðsins að líta aðeins í eig­in barm. Við erum með allt til alls til þess ná ár­angri en hver og einn verður að líta djúpt inn á við og finna heimsklassa­leik­mann­inn í sér,“ bætti landsliðsfyr­irliðinn við í sam­tali við mbl.is.

Frétt af mbl.is

Landsliðsfyr­irliðinn í sjokki

• Blogga um frétt