„Troðfullt þegar Alli Gísla er í húsinu“

Íslenska karlalandsliðið í handknattleik leikur leiki sína í milliriðli 1 á Evrópumótinu í Þýskalandi í Lanxess-höllinni í Köln.

Höllin tekur tæplega 20.000 manns í sæti en úrslitahelgi Meistaradeildarinnar, sem og úrslitahelgi þýsku bikarkeppninnar, fer fram í höllinni ár hvert.

Frétt af mbl.is

Draumurinn lifir eftir sögulegan sigur Íslands

Allt til alls í höllinni

Blaðamenn mbl.is og Morgunblaðsins, sem eru staddir í Þýskalandi til þess að fylgja landsliðinu eftir, fóru í vettvangsferð um höllina í dag fyrir landsleik Íslands og Króatíu.

Þar er að finna risastórt fjölmiðlaherbergi þar sem blaðamannafundir með þjálfurum fara fram og hefur herbergið verið mest nýtt, á mótinu í ár, fyrir þýska landsliðið þar sem Alfreð Gíslason er þjálfari.

„Það er troðfullt þegar Alli Gísla er í húsinu,“ sagði undirritaður meðal annars þegar hann skoðaði Lanxess-höllina.

Alfreð Gíslason á blaðamannafundi í Lanxess-höllinni fyrir leik Þýskalands og Íslands. mbl.is/Brynjólfur Löve

• Blogga um frétt