Kvörtun Svía vísað frá

Formleg kvörtun Svía til mótsstjórn Evrópumóts karla í handknattleik vegna marksins ótrúlega sem Elohim Prandi skoraði fyrir Frakkland gegn Svíþjóð í undanúrslitum EM í gær hefur verið vísað frá. 

Pr­andi jafnaði leik­inn í 27:27 og tryggði Frakklandi fram­leng­ingu með marki beint úr aukakasti eft­ir að leiktím­inn rann út. Frakk­ar voru svo sterk­ari í fram­leng­ing­unni og unnu fjög­urra marka sig­ur.

Pr­andi lyfti vinstri löpp­inni upp áður en hann tók skotið, sem er ekki lög­legt. Dóm­ar­arn­ir frá Norður-Makedón­íu sáu hins veg­ar ekk­ert at­huga­vert við markið og dæmdu það gilt.

Frétt af mbl.is

Svíar brjálaðir – markið stórkostlega var ólöglegt

Óleyfilegt að breyta eftir leik

Svíar lögðu síðan fram kvörtun til mótsstjórnar og snéru mótmæli Svía að þeirri staðreynd að dómarar hafi ekki nýtt sér myndbandsdómgæsluna til að vera vissir um að markið væri löglegt. 

Fór málið til aganefndar mótsins sem sagðist ekki mega samkvæmt reglum taka upp dóma og nýta myndbandsupptökur eftir leik. Aðeins dómarar og eftirlitsmenn mega nýta tæknina á meðan leik stendur en eru þó ekki skyldugir til þess. Standa því ákvarðanir dómara í leiknum. 

Svíþjóð hefur til 20 í kvöld til að áfrýja niðurstöðunni. 

• Blogga um frétt