Þórir og Noregur í undanúrslit

Noregur er kominn áfram í undanúrslit Evrópumóts kvenna í handknattleik eftir fimm marka sigur á Þýskalandi, 32:27, í Vínarborg í kvöld. 

Norska liðið er með fullt hús stiga, eða átta, í efsta sæti milliriðils tvö og er búið að vinna hann og í leið tryggja sér sæti í undanúrslitum. Þrátt fyrir það mætir Noregur Slóveníu í síðasta leik riðilsins næstkomandi miðvikudag. 

Þjóðverjar eru í fimmta sæti með tvö stig og eru því úr leik. 

Norska liðið var sannfærandi í leiknum en hálfleikstölur voru 19:13. 

Noregur hélt forystunni mest allan seinni hálfleikinn en Þjóðverjar náðu smá upphlaupi undir lok leiks. 

Henny Ella Reistad var mögnuð í liði Noregs og skoraði níu mörk. 

• Blogga um frétt