Ryan Giggs mun stjórna Manchester United í þeim fjórum leikjum sem liðið á eftir á þessu keppnistímabili í ensku úrvalsdeildinni í knattspyrnu en félagið staðfesti það rétt í þessu.

Giggs hefur verið í þjálfarateymi United í vetur, ásamt því að spila með liðinu. David Moyes var sagt upp störfum í morgun eins og áður hefur komið fram og bæði aðstoðarmaður hans og þjálfari aðalliðsins eru líka búnir að yfirgefa Old Trafford.

Í tilkynningu frá United segir að Giggs muni sjá um aðallið félagsins þar til búið verði að ráða knattspyrnustjóra til frambúðar.

Giggs, sem er fertugur, hefur leikið allan sinn feril með Manchester United og hefur unnið þrettán titla með félaginu.

Tengdar fréttir

Man.Utd rekur Moyes

Segir Giggs geta fetað sömu leið og Guardiola

• United og Moyes hafa náð samkomulagi
• „Synd að Moyes hafi verið rekinn“
• „Moyes hefði átt að fá lengri tíma“
• „Aldrei verið eins stoltur“

» Fleiri tengdar fréttir

• Blogga um frétt