Alex Ferguson, fyrrverandi knattspyrnustjóri Manchester United og núvverandi stjórnarmaður félagsins, er ekki sáttur við hvernig staðið var að brotthvarfi eftirmanns hans, David Moyes, fyrr í þessari viku.

Ferguson var ræðumaður á góðgerðamáltíð í Manchester í gær og The Times hefur eftir honum: „Það er leiðinlegt hvernig þetta kom út," og segir hann hafa viðurkennt að það hefði verið rangt að láta fréttir af brottrekstrinum leka út áður en framkvæmdastjóri félagsins, Edward Woodward, tilkynnti Moyes sjálfum formlega um ákvörðun stjórnarinnar.

Blaðið segir ennfremur að Moyes hafi verið öskureiður yfir því að hafa verið búinn að sjá og heyra í öllum fjölmiðlum að honum yrði sagt upp störfum áður en nokkur maður hjá félaginu hafi haft samband við hann. Fyrstu fréttir af því bárust um sólarhring áður en Manchester United tilkynnti að dögum Moyes á Old Trafford væri lokið.

Tengdar fréttir

Man.Utd rekur Moyes

Segir Giggs geta fetað sömu leið og Guardiola

• United og Moyes hafa náð samkomulagi
• „Synd að Moyes hafi verið rekinn“
• „Moyes hefði átt að fá lengri tíma“
• „Aldrei verið eins stoltur“

» Fleiri tengdar fréttir

• Blogga um frétt