Jökull gerði samning við Reading

Hinn 16 ára gamli knattspyrnumarkvörður Jökull Andrésson skrifaði í dag undir atvinnumannssamning við enska B-deildarfélagið Reading og fetaði þar með í fótspor bróður síns, Axels Óskars.

Axel Óskar greindi frá þessu á Twitter-síðu sinni í dag og kvaðst stoltur af litla bróður, en sá eldri lék fyrr í þessum mánuði fyrstu tvo leiki sína fyrir aðallið Reading, í deildabikarnum. Jökull hefur samkvæmt frétt Fótbolta.net æft með Reading meira og minna frá árinu 2014 en það var svo í janúar á þessu ári sem hann var fyrst kallaður til æfinga með aðalliði félagsins.

Jökull lék með Aftureldingu hér á landi. Þess má til gamans geta að hann á 16 ára afmæli í dag.

• Blogga um frétt