Gylfi braut ísinn gegn Rotherham
Setja bókamerki
Gylfi Þór Sigurðsson braut ísinn í markaskorun á þessari leiktíð þegar hann kom Everton yfir gegn B-deildarliði Rotherhan í 2. umferð enska deildabikarsins í knattspyrnu á Goodison Park í kvöld.
Gylfi kom Everton yfir á 28. mínútu en þetta var hans fyrsta mark fyrir Everton á leiktíðinni. Dominic Calvert-Lewin tvöfaldaði forystu Everton á 62. mínútu.
Will Vaulks minnkaði muninn fyrir Rotherham á 86. mínútu áður en Calvert-Lewin innsiglaði sigur Everton, tveimur mínútum síðar. Gylfi var í byrjunarliði Everton í kvöld en honum var skipt af velli fyrir Theo Walcott á 66. mínútu.
Jón Daði Böðvarsson var ekki í hóp hjá Reading sem tapaði 2:0 fyrir úrvalsdeildarliði Watford en það voru þeir Isaac Success og Domingos Quina sem skoruðu mörk Watford í leiknum. Reading er því úr leik í enska deildabikarnum en Everton er komið áfram í 3. umferð.
Nottingham Forest vann úrvalsdeildarlið Newcastle, 3:1, og þá vann Millwall sigur á Plymouth, 3:2.
Ekki einhugur um geðslag Dagbjartar
Ófyrirséð innherjasvik á markaði
Veðurstofan bíður nú átekta
Landsréttur um Heiðar: „Á sér engar málsbætur“
Sagðist ætla að fara frá Dagbjörtu