Spánverjinn Rafael Benítez hefur samþykkt að taka við þjálfun kínverska liðsins Dalian Yifang samkvæmt heimildum Sky Sports.
Benítez sagði skilið við enska úrvalsdeildarliðið Newcastle á dögunum en hann hefur stýrt liðinu undanfarin þrjú ár. Samningur hans við Newcastle rann út í gær og var hann ekki tilbúinn að framlengja hann.
Reiknað er með að Benítez verði kynntur til leiks hjá kínverska liðinu í fyrramálið og tekur hann við liðinu af Suður-Kóreumanninum Choi Kang Hee.